Ukrayna rəsmisi: Rusiyanın “TikTok”dakı üstünlüyündən narahatıq

Ukrayna Rusiyanın “TikTok”dakı üstünlüyündən narahatdır.

“Report” xəbər verir ki, bu barədə Ukrayna Milli Təhlükəsizlik və Müdafiə Şurasının Dezinformasiya ilə Mübarizə Mərkəzinin rəhbəri Andrey Kovalenko “Bloomberg” agentliyinə müsahibəsində bildirib.

O, rusların bu sosial şəbəkədə sistemli işə başladıqlarını, platformadan uğurla istifadə etdiklərini qeyd edib:

“Zelenskinin prezidentliyinin legitimliyini şübhə altına almaq və ukraynalıların mənəviyyatını sarsıtmaq üçün sosial şəbəkədən istifadəni genişləndirirlər”, - o deyib.