Azərbaycan-Özbəkistan İnvestisiya Şirkətinin Müşahidə Şurasının iclası keçirilib

Daşkənddə Azərbaycan-Özbəkistan İnvestisiya Şirkətinin Müşahidə Şurasının iclası keçirilib.

“Report” xəbər verir ki, bu barədə iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

Nazir qeyd edib ki, ölkələr arasında biznes və ticarət əlaqələrinin dayanıqlı inkişafı, özəl sektorun və qarşılıqlı investisiya fəaliyyətinin intensiv təşviqi, birgə layihələrin maliyyələşdirilməsi imkanlarının araşdırılması barədə müzakirələr aparılıb.

Özbəkistana işgüzar səfərimiz zamanı #Azərbaycan – #Özbəkistan İnvestisiya Şirkətinin Müşahidə Şurasının iclasında iştirak etdik. Ölkələrimiz arasında #biznes və #ticarət əlaqələrinin dayanıqlı inkişafı, özəl sektorun və qarşılıqlı #investisiya fəaliyyətinin intensiv təşviqi,… pic.twitter.com/pry5wACcGt

— Mikayil Jabbarov (@MikayilJabbarov) May 1, 2024

Qeyd edək ki, Azərbaycan-Özbəkistan İnvestisiya Şirkətinin yaradılması haqqında Saziş 18 iyul 2023-cü il tarixində Şuşa şəhərində imzalanıb və ölkə Prezidentinin 14 oktyabr 2023-cü il tarixli nömrəli Sərəncamı ilə təsdiq edilib. Şirkət Özbəkistanda qeydiyyatdan keçib və onun ümumi kapitalı 500 milyon ABŞ dolları təşkil edir.