"Report"un "The National" qəzetinə istinadən verdiyi xəbərə görə, bunu Kpler analitik şirkətinin məlumatları göstərir.

Nəşrin məlumatına əsasən, iyulun 26-da boğazdan xammal daşıyan cəmi 15 gəmi keçib. Halbuki blokadanın elan edildiyi iyulun 20-də bu göstərici 34 gəmi olub. Doqquz gəmi Qırmızı dəniz akvatoriyasını tərk edib, daha altı gəmi isə həmin əraziyə daxil olub. Onlar Çin, Hindistan, Pakistan və Niderlanda neft, taxıl və gübrə daşıyıblar.

Qeyd olunub ki, gəmiçiliyin azalması husilərin iyulun 25-də Səudiyyə Ərəbistanının Saudi Aramco neft-qaz şirkətinin Cizan və Yanbu liman şəhərlərindəki obyektlərinə zərbələr endirəcəkləri barədə açıqlamalarından sonra baş verib. Bu isə Yəməndə genişmiqyaslı döyüş əməliyyatlarının yenidən başlaması ilə bağlı narahatlıqları artırıb.

Eyni zamanda, ABŞ və İran arasında iki həftə davam edən qarşılıqlı zərbələrdən sonra döyüşlərdə yaranan fasilə fonunda iyulun 26-da Hörmüz boğazından keçən gəmilərin hərəkəti demək olar ki, iki dəfə artıb.

Kpler məlumatlarına əsasən, iyulun 26-da Hörmüz boğazını 11 gəmi keçib, iyulun 25-də bu rəqəm 6, iyulun 24-də isə 12 gəmi olub. Bununla yanaşı, bir çox gəmi aşkarlanmamaq üçün izləmə sistemlərini söndürüb və standart olmayan marşrutlarla hərəkət edib.

Xatırladaq ki, bundan əvvəl iyulun 20-də "Ənsar Allah" hərəkatının hərbi nümayəndəsi Yəhya Səriya Səudiyyə Ərəbistanına qarşı dəniz nəqliyyatına qadağa tətbiq edildiyini elan etmişdi. Buna cavab olaraq, iyulun 21-də Ər-Riyadın rəhbərlik etdiyi ərəb koalisiyası Bab əl-Məndəb boğazında ticarət gəmilərinin qorunması üzrə tədbirlərin həyata keçirilməsinə başlandığını açıqlamışdı.

"Report" xəbər verir ki, bu barədə New York Post qəzeti mənbəyə istinadən məlumat yayıb.

Mənbənin sözlərinə əsasən, Netanyahu həmçinin Trampa Natanzdakı nüvə obyektinin yaxınlığında yerləşən Kolang Gaz La dağı ilə bağlı kəşfiyyat məlumatlarını təqdim etməyi planlaşdırır.

Xatırladaq ki, bundan əvvəl İran Xarici İşlər Nazirliyinin rəsmi nümayəndəsi İsmayıl Bəqayi Trampın guya mövcud olan yeni nüvə obyekti ilə bağlı açıqlamalarının əsassız olduğunu bildirib. Onun sözlərinə görə, Vaşinqtonun Tehranın iddiasına əsasən nüvə fəaliyyəti aparılmayan Kolang Gaz La dağına artan diqqəti yalnız təcavüz, dağıntılar və təxribatlar üçün uydurulmuş bəhanədir.

"Report"un ticarət məlumatlarına istinadən verdiyi xəbərə görə, Apple səhmləri Nasdaq birjasında 1,17% artaraq bir səhm üçün 336,91 dollara yüksəlib. Eyni zamanda, Nvidia səhmləri 4,99% ucuzlaşaraq 196,51 dollara düşüb.

Apple şirkətinin bazar kapitallaşması 4,95 trilyon dollara çatıb, Nvidia-nın dəyəri isə 4,76 trilyon dollar olaraq qiymətləndirilib.

Kapitallaşmaya görə dünyanın ən böyük beş şirkəti sırasına, həmçinin Alphabet (4 trilyon dollar), Microsoft (2,89 trilyon dollar) və Amazon (2,49 trilyon dollar) daxildir.

Xatırladaq ki, iyulun 17-də Apple artıq qısa müddətə bazar kapitallaşmasına görə birinci yerə yüksəlmişdi, lakin liderliyi bir sutkadan da az müddət saxlaya bilmişdi. Bloomberg-in məlumatına görə, həmin vaxt şirkətin səhmlərinin artımı texnologiya sektorundan investisiyaların çıxması, o cümlədən Nvidia səhmlərinin dəyərinin azalması ilə bağlı olub.

"Report"un nazirliyə istinadən verdiyi məlumata görə, sanksiya siyahılarından 84 fiziki və hüquqi şəxs çıxarılıb. Bundan əlavə, 22 mövqe üzrə identifikasiya məlumatlarına dəqiqləşdirmələr edilib.

Xüsusilə, "Zvezdoçka" Gəmi Təmiri Mərkəzi, P.İ. Plandin adına Arzamas Cihazqayırma Zavodu, "Polema" ASC, "Spesialnıye Sistemı. Fotonika" MMC, Birləşmiş Mühərrikqayırma Korporasiyası ASC, "KORUS Konsaltinq" şirkəti, Rusiya vətəndaşı Vladimir Ustinov, eləcə də TASCA neft tankeri ilə bağlı məlumatlar yenilənib.

Qurum bildirib ki, sanksiya siyahılarından İraq və Kolumbiyadan olan bir sıra fiziki və hüquqi şəxslər də çıxarılıb. Qeyd olunub ki, bunlar əsasən vəfat etmiş şəxslər, fəaliyyətini dayandırmış təşkilatlar və barəsində kifayət qədər identifikasiyaedici məlumat olmayan qurumlardır.

Nazirlik vurğulayıb ki, bu dəyişikliklər ABŞ-ın sanksiya sisteminin modernləşdirilməsi çərçivəsində həyata keçirilir və ölkənin xarici siyasət maraqlarına, eləcə də milli təhlükəsizliyinə zərər vurmur. Belə modernləşdirmə planları barədə daha əvvəl ABŞ-ın maliyyə naziri Skott Bessent məlumat vermişdi.

"Report"un "TASS"a istinadən verdiyi məlumata görə, bu barədə Yaxın Şərqin aviadispetçer xidmətlərindəki mənbə bildirib.

Təyyarə təxminən 8,5 km yüksəklikdə dairəvi trayektoriya üzrə uçuş həyata keçirir. Söhbət iyulun 23-də uçuş zamanı göyərtəsində fövqəladə vəziyyət siqnalı verən eyni hava gəmisindən gedir.

Bundan sonra təyyarə bölgədəki hərbi bazalardan birinə uğurla eniş edib, lakin sonrakı bir neçə gün ərzində hava məkanında müşahidə olunmayıb. İnsidentin səbəbləri açıqlanmayıb.

Mənbə həmçinin qeyd edib ki, bu "Boeing E-3B Sentry" 1980-ci ildə ABŞ Hərbi Hava Qüvvələrinin silahlanmasına qəbul edilib və artıq 46 ildir istismar olunur. Təyyarə 400 kilometrədək məsafədə hava hədəflərini aşkar etmək qabiliyyətinə malikdir.

Bundan başqa, agentliyin həmsöhbətinin sözlərinə görə, Fars körfəzinin neytral suları üzərində ABŞ-yə məxsus "Boeing KC-135R Stratotanker" yanacaqdaşıyan təyyarəsi də müşahidə olunur. Təyyarə İran dispetçerlərinin nəzarət etdiyi hava məkanının sərhədi yaxınlığında dairəvi trayektoriya üzrə uçuş həyata keçirir.

Bu barədə "Report" Serbiya Radio və Televiziyasına istinadən xəbər verir.

Qeyd edək ki, NIS 2025-ci ilin yanvarında ABŞ-ın sanksiyalarına məruz qalıb. Həmin vaxt ABŞ Maliyyə Nazirliyi şirkəti əsas səhmdarı olan "Qazprom Neft" ilə birlikdə sanksiyalar siyahısına daxil edib. Bir neçə dəfə təxirə salındıqdan sonra məhdudiyyətlər 2025-ci il oktyabrın 9-da qüvvəyə minib.

2025-ci il noyabrın 11-də Serbiyanın Energetika Nazirliyi bildirib ki, NIS şirkətinin rusiyalı sahibləri şirkət üzərində nəzarəti üçüncü tərəfə ötürməyə hazır olduqları barədə ABŞ tərəfini məlumatlandırıblar.

Xatırladaq ki, ABŞ Maliyyə Nazirliyi daha əvvəl NIS şirkətinin əməliyyat lisenziyasının müddətini iyulun 31-dək uzadıb. Eyni zamanda, bu tarix Macarıstanın MOL konserninin şirkətdəki Rusiya payını satın alması ilə bağlı danışıqların başa çatdırılması üçün yeni son tarix kimi müəyyən edilib.

"Report"un Balkan bürosu Serbiya dövlət televiziyası RTS-yə istinadən xəbər verir ki, sözügedən şəxs müvafiq qərarla istintaq təcridxanasına göndərilib.

Qeyd edilib ki, Kraquyevas şəhərindən olan şübhəli şəxs prezidentə yönəlmiş ölüm təhdidini sosial şəbəkə platforması olan "Facebook"da paylaşmaqda şübhəli bilinərək dindirilib.

Dindirmə zamanı o, qanunla nəzərdə tutulan susmaq hüququndan istifadə edib və müdafiə çıxışı təqdim etməkdən imtina edib.

Xatırladaq ki, bu gün səhər saatlarında Serbiya Prezidenti Aleksandar Vuçiç sözügedən təhdidlə bağlı açıqlama yayaraq özünü təhlükədə hiss etmədiyini bildirib.

Qurumdan "Report"a verilən məlumata görə, dərhal əraziyə FHN-in Dövlət Yanğından Mühafizə Xidmətinin və Sumqayıt Regional Mərkəzinin qüvvələri cəlb olunub.

Yanğınsöndürənlərin çevik müdaxiləsi sayəsində doqquzmərtəbəli yaşayış binasının elektrik şaxtasında və sayğaclarda baş vermiş yanğın genişlənməsinə imkan verilmədən qısa müddətdə söndürülüb.

Təhlükəsizlik tədbirləri çərçivəsində FHN qüvvələri tərəfindən bina sakinləri təxliyə olunub.

00:15

Abşeron rayonunun Ceyranbatan qəsəbəsində yerləşən Ekopark Yaşayış Kompleksində partlayış baş verib.

"Report"un yerli bürosu məlumat verir ki, hadisədən dərhal sonra əraziyə aidiyyəti qurumların briqadaları cəlb olunub.

Hazırda təhlükəsizlik tədbirləri çərçivəsində yaşayış kompleksinin sakinləri təxliyə edilir. Partlayışın səbəbi, eləcə də xəsarət alanların olub-olmaması barədə hələlik rəsmi məlumat açıqlanmayıb.

Faktla bağlı araşdırma aparılır.

"Report" xəbər verir ki, bu barədə Tramp Vaşinqtondan Miçiqan ştatına gedən təyyarəsində jurnalistlərə bildirib.

"Bilirsinizmi, biz olmasaydıq kim mövcud ola bilməzdi? İsrail", - deyə o əlavə edib.

Tramp izah edib ki, o, əsasən İran ətrafındakı vəziyyətə istinad edir: "Əgər mən bu məsələni həll etməsəydim, tezliklə nüvə silahı olacaq şeyi partlatmasaydım, İsrail aylar əvvəl məhv olardı. Əgər Obamanın dəhşətli razılaşmasına son qoymasaydım, bu, illər əvvəl baş verərdi".

"Report"un məlumatına görə, bu barədə Bloomberg mənbələrə istinadən yazır.

Qeyd olunur ki, tərəflər, digər məsələlərlə yanaşı, Hörmüz boğazından keçən üçüncü marşrutun bərpasını da müzakirə edirlər.

Xatırladaq ki, gəmilər hazırda İran sahilləri boyunca yerləşən şimal marşrutu və ya Omana daha yaxın olan cənub marşrutu ilə hərəkət edir. Üçüncü dəhliz bu iki yolun arasında yerləşir, lakin ABŞ və İsrailin İrana qarşı hərbi əməliyyatının başlanmasından sonra demək olar ki, istifadə olunmayıb.

Agentliyin məlumatına görə, Oman danışıqlarçıları bir neçə gün ərzində elan oluna biləcək razılaşmanın əldə olunacağına nikbin yanaşırlar.

"Report" xəbər verir ki, bu barədə "Al Arabiya" məlumat yayıb.

HƏMAS-ın Qəzzadakı rəsmiləri hərəkatın xarici rəhbərliyini Fələstin anklavında silahsızlanma və mülki heyətlə bağlı sülh planının iki bəndi ilə razılaşdıqları barədə məlumatlandırıb.

Qeyd olunub ki, bu, sektorda məskunlaşma planının 5 və 8-ci bəndlərinə aiddir. Təşəbbüsün 5-ci bəndi HƏMAS-ın hərbi strukturları ilə Zolaqdakı mülki idarəetmə sisteminin və mülki strukturlarda çalışan işçilərin ayrılmasını nəzərdə tutur.

Bundan başqa 8-ci bənd göstərir ki, HƏMAS qüvvələrinin tərksilah edilməsi prosesi mərhələli şəkildə və beynəlxalq nəzarət altında həyata keçirilməlidir. Radikal hərəkat tərəfdarlarının silahları isə İsrail tərəfinə deyil, Sülh Şurasının himayəsi altında fəaliyyət göstərən və onunla koordinasiya olunan yeni Fələstin strukturlarına təhvil verilməlidir.

"Report" "TRT Haber"ə istinadən xəbər verir ki, bu barədə ölkənin Sahil Mühafizəsi Komandanlığı məlumat yayıb.

Bildirilib ki, sahil mühafizə qüvvələri mobil sahil müşahidə sistemi və pilotsuz uçuş aparatının (PUA) köməyi ilə bölgədə iki qayıq aşkarlayıb.

"Əməliyyat zamanı qayıqlardan birində olan, aralarında 11 uşağın da olduğu 53 nəfər, digər qayıqda isə 32 nəfər saxlanılıb. Beləliklə, ümumilikdə 85 qanunsuz miqrant tutulub", - məlumatda qeyd olunub.

Hadisə ilə bağlı miqrant qaçaqmalçılığında şübhəli bilinən 4 nəfər saxlanılıb.

Qanunsuz miqrantlar zəruri prosedurlar başa çatdıqdan sonra Miqrasiya İdarəsinə təhvil veriliblər.

"Report" xəbər verir ki, bu barədə Mədəniyyət Nazirliyi məlumat yayıb.

Bildirilib ki, görüşdə ölkədə ədəbi prosesin inkişafı, müasir Azərbaycan ədəbiyyatının dəstəklənməsi, kitabxana işinin təkmilləşdirilməsi, mütaliə mədəniyyətinin təşviqi, gənc yazarların yaradıcılıq imkanlarının genişləndirilməsi və bu sahədə əməkdaşlıq məsələləri müzakirə edilib.

Tərəflər dövlət sifarişli filmlər üçün ədəbi əsərlərin seçilməsi, ssenarilərin hazırlanması, Azərbaycan ədəbiyyatının təbliği, həmçinin görkəmli yazıçı və şairlərin həyat və yaradıcılığına həsr olunan filmlərin çəkilməsi ilə bağlı fikir mübadiləsi aparıblar.

Görüşdə dövlət və ictimai institutlar arasında əməkdaşlığın gücləndirilməsinin milli ədəbiyyatın inkişafına və ölkənin mədəni həyatının zənginləşməsinə töhfə verəcəyi vurğulanıb.

"Report" xəbər verir ki, bu barədə "CNN Türk" məlumat yayıb.

Məlumata görə, müğənni İlyas Yalçıntaş, Ayşənur Balcı, Orhan Yıldız və Şefik Ömər Dolman barəsində məhkəmənin qərarı ilə həbs qətimkan tədbiri seçilib.

Qeyd olunub ki, müğənni Sıla Gençoğlu, İrem Haznedar, Aybüke Albere, Ateş İnce, Gökhan Şafak, Buğra Balkaya, Hilal Zeynep Hedbe, Volkan Büyükhanlı, Büşra Tatar, Feyza Cihan və Asude Mercan isə məhkəmənin qərarı ilə məhkəmə nəzarəti şərti ilə sərbəst buraxılıblar.

Ekspertiza nəticələrinə görə, İlyas Yalçıntaş, Ayşənur Balcı, Orhan Yıldız, Akın Altan, Asude Mercan, Buğra Balkaya, Cenk Çöteli, Emre Avar, Hilal Zeynep Hedbe və Şefik Ömər Dolmanın analizlərində kokain, Büşra Tatarın analizində isə kodein maddəsi aşkarlanıb.

Bununla yanaşı, müğənni Sıla Gençoğlu və Aybüke Alberenin test nəticələrinin mənfi olduğu bildirilib.

"Report" xəbər verir ki, bu barədə NTV telekanalı məlumat yayıb.

Qeyd edək ki, iyulun 27-də səhər saatlarında polis istintaq çərçivəsində yeni reydlər keçirib. 13 nəfər saxlanılıb. Ümumilikdə, aralarında fondun təsisçisi, rok musiqiçisi Haluk Levent və bloqer Oğuzhan Uğurun da olduğu təxminən 30 şübhəli həbs edilib.

Həmçinin bildirilib ki, Türkiyədə tanınmış şou-biznes və media nümayəndələri ifadə vermək üçün prokurorluğa çağırılıb.

"Cumhuriyet" qəzetinin məlumatına görə, ifadə verəcək şəxslər arasında "Kurt Seyit və Şura", "Bir sevgi hekayəsi" serialları və "Kiralık Aşk" filmi ilə tanınan aktrisa və model Elçin Sangu, məşhur musiqiçilər Mahsun Kırmızıgül, Gülben Ergen və Hayko Cepkin, həmçinin telejurnalist Uğur Dündar da var.

İstintaq orqanları Ahbap fondunun rəhbərliyini toplanmış vəsaitləri şəxsi hesablara köçürməkdə və aktivlər almaqda şübhəli bilir. Yeni Şafak qəzetinin məlumatına görə, saxta şəxslərin adına rəsmiləşdirilmiş mənimsənilən aktivlərin ümumi məbləği təxminən 60 milyon ABŞ dolları təşkil edir.

"Report" xəbər verir ki, bu barədə "Al Hadath" telekanalı Suriya hökumətinə yaxın mənbəyə istinadən məlumat yayıb.

Qeyd olunub ki, açıqlama avqustun əvvəlində keçirilməsi planlaşdırılan mətbuat konfransında verilə bilər.

Mənbənin məlumatına görə, rəsmilər, çox güman ki, həm dövlət, həm də media tərəfindən işıqlandırılacaq mətbuat konfransında SDQ-nin buraxılmasını elan edəcəklər. Tədbirin avqustun əvvəlində baş tutacağı gözlənilir, lakin hazırlıqlar davam etdiyindən son tarix hələ müəyyən edilməyib.

Mənbə qeyd edib ki, mətbuat konfransının vaxtı Hasəkə əyaləti və ətraf ərazilərdə inzibati təyinatların başa çatmasından asılıdır, çünki bu ərazilərdə əksər rayon və regional rəhbərlər bu yaxınlarda təyin olunub.

Bundan əlavə, rəsmi açıqlama müəyyən şəxslərin Tel Abyad və Ras əl-Ayn ərazilərinə qayıtması məsələsi həll olunana qədər təxirə salına bilər. Mənbənin sözlərinə görə, bu, SDQ və yerli hakimiyyət orqanları tərəfindən irəli sürülən şərtdir.

Bazar günü Suriya Prezidenti Əhməd Əl Şaraa "Al Jazeera"yə verdiyi açıqlamada SDQ tərəfi ilə razılaşmanın həyata keçirilməsinin gözləniləndən daha yavaş getdiyini, lakin onun uğurlu həyata keçiriləcəyinə əminliyini bildirib.

"Report" xəbər verir ki, bu barədə Milli Paralimpiya Komitəsinin mətbuat xidməti məlumat yayıb.

Bildirilib ki, dünya və Avropa çempionu 50 metr məsafəyə tapançadan qarışıq atəş (P4) növündə keçirilən final yarışında 222 xal toplayaraq qızıl medala sahib çıxıb.

Bununla da Kamran Zeynalov Dünya Kubokunun qızıl medalını qazanıb.

"Report" xəbər verir ki, bu barədə jurnalist Fabritsio Romano X sosial şəbəkə hesabında məlumat yayıb.

Bundan başqa, FIGC-nin texniki direktorunun müşaviri vəzifəsini tutan Leonardo da postundan istefa verib.

Məlumata görə, Maldini və Leonardo 2006-cı il dünya çempionu Andrea Pirlonun İtaliya millisinin baş məşqçisi təyin olunmasının tərəfdarı olublar. Daha əvvəl "La Gazzetta dello Sport" nəşri Pirlonun Rusiyanın bukmeker şirkəti ilə müqaviləsinə görə mümkün təyinatının siyasi müzakirələrə səbəb olduğunu yazmışdı. Bir sıra italiyalı deputatlar mütəxəssisin bukmeker şirkəti ilə əməkdaşlığını əsas gətirərək onun namizədliyinə etiraz ediblər. Daha sonra Pirlo özü də İtaliya millisinin baş məşqçi postuna namizəd olmadığını açıqlayıb.

Qeyd edək ki, 58 yaşlı Paolo Maldini futbolçu karyerası ərzində yalnız "Milan"ın formasını geyinib. O, klubla 7 dəfə İtaliya çempionu olub, 5 dəfə UEFA Çempionlar Liqasını, UEFA Superkubokunu və İtaliya Superkubokunu qazanıb, 1 dəfə isə ölkə kubokuna sahib çıxıb. İtaliya millisinin heyətində isə 1994-cü il dünya çempionatının gümüş, 1990-cı il mundialının bürünc, həmçinin 2000-ci il Avropa çempionatının gümüş və 1988-ci il qitə birinciliyinin bürünc mükafatçısı olub.

"Report" xəbər verir ki, bu barədə Baş nazir sosial mediada məlumat verib.

Bu gün Moldova hökuməti bəzi yanacaqdoldurma məntəqələrində müvəqqəti dizel çatışmazlığı elan edib və vəziyyətin əlavə yanacaq tədarükü ilə həll olunduğunu qeyd edib.

Dizel çatışmazlığının səbəbləri arasında Dunay çayının səviyyəsinin düşməsi, eləcə də Yaxın Şərqdə nəqliyyat zəncirlərində tıxanmalara səbəb olan və yanacaq tədarükünə təsir edən artan münaqişə yer alıb.

"Mən Moldovanın enerji sektorunda baş verən bütün prosesləri, o cümlədən dizel yanacağı və qaz bazarlarını diqqətlə izləyirəm. Son hadisələri nəzərə alaraq, sabah səhər hökumətin iclasını çağırmaq qərarına gəldim ki, icra hakimiyyəti səviyyəsində zərurət yarandığı halda operativ reaksiya vermək üçün bütün lazımi mexanizmlərin mövcud olduğuna əmin olaq", - deyə Tofan bildirib.

Bu barədə "Report"a Mədəniyyət Nazirliyindən məlumat verilib.

Bildirilib ki, nazir Azərbaycan ilə Pakistan arasında münasibətlərin yüksək səviyyədə olduğunu vurğulayaraq, əlaqələrin təməlində iki ölkə liderləri arasında mövcud olan möhkəm dostluq və qarşılıqlı etimadın dayandığını qeyd edib.

O, həmçinin mədəniyyət sahəsində əməkdaşlığın daha da genişləndirilməsi üçün böyük potensialın mövcud olduğunu diqqətə çatdırıb.

Q.Mohiuddin səmimi qəbula görə təşəkkürünü bildirərək, Pakistanın Azərbaycan ilə mədəni əlaqələrin inkişaf etdirilməsində maraqlı olduğunu deyib.

Görüşdə mədəniyyətin müxtəlif istiqamətləri üzrə əməkdaşlığın perspektivləri ətrafında fikir mübadiləsi aparılıb.

AGF-dən "Report"a verilən məlumata görə, imzalanan memorandumlar federasiyalar arasında institusional əlaqələrin möhkəmləndirilməsinə, güləşin davamlı inkişafının təşviqinə və idman nailiyyətlərinin artırılmasına xidmət edəcək.

Sənədlərdə milli komandalar arasında birgə təlim-məşq toplanışlarının təşkili, beynəlxalq yarışlarda iştirak imkanlarının genişləndirilməsi, məşqçilik, hakimlik və digər sahələrdə bilik və təcrübə mübadiləsinin həyata keçirilməsi nəzərdə tutulur.

Əməkdaşlıq həmçinin tərəfdaş federasiyalar arasında uzunmüddətli və səmərəli əlaqələrin inkişafına, güləşin beynəlxalq səviyyədə təşviqinə, eləcə də Azərbaycan güləşçilərinin hazırlıq prosesinin təkmilləşdirilməsi və onlar üçün yeni inkişaf perspektivlərinin yaradılmasına mühüm töhfə verəcək.

Azərbaycan Güləş Federasiyası beynəlxalq tərəfdaşlarla əməkdaşlığın genişləndirilməsini ölkəmizdə güləşin inkişafı, idmançıların peşəkar hazırlıq səviyyəsinin yüksəldilməsi və beynəlxalq arenada uğurların davamlılığının təmin olunması baxımından prioritet istiqamətlərdən biri kimi qiymətləndirir.

"Report"un məlumatına görə, ABŞ Prezidenti Donald Tramp bunu Miçiqan ştatına gedərkən təyyarənin göyərtəsində jurnalistlərlə söhbəti zamanı bildirib.

"Venesuela məsələsində müharibə dəfələrlə özünü doğrultdu, eyni şey İranla bağlı da baş verəcək", – deyə Amerika lideri bildirib.

Trampın sözlərinə görə, ABŞ Venesueladan "milyardlarla dollar" əldə edir.

ABŞ Prezidenti həmçinin hesab edir ki, Vaşinqtonun İranla sülh sazişi bağlamaq şansı var. "Onlar görüşmək istədilər, buna görə də biz görüşürük. Görək nə baş verəcək, razılaşma əldə edə biləcəyimiz ehtimalı var", – deyə o qeyd edib.

Daha əvvəl, iyul ayında ABŞ-ın müharibə naziri Pit Heqset bəyan etmişdi ki, Birləşmiş Ştatların İrana qarşı hərbi əməliyyat keçirməsi üçün çəkdiyi xərclər təxminən 37,5 milyard dollar təşkil edir.

"Report"un "Proto Thema" qəzetinə istinadən verdiyi məlumata görə, hadisə yerində beş işçi və bir sürücü olub.

Partlayışdan sonra böyük yanğın baş verib və sənaye müəssisəsinin avadanlıqları məhv olub.

"Müəyyən edilib ki, hadisə nəticəsində 25 yaşlı kişi həlak olub, bir qadın isə xəsarət alıb. O, Korinf şəhər xəstəxanasına çatdırılıb", – məlumatda qeyd olunur.

Yanğınsöndürmə xidmətinin operativ mərkəzi partlayışdan sonra yaranan yanğının söndürülməsi üçün 35 əməkdaş, könüllülər və 11 texnika səfərbər edib. Yanğın artıq tam söndürülüb.

İlkin məlumata görə, partlayış qaynaq işləri aparılan zaman sirkə olan çənlərdən birində baş vermiş ola bilər.

"Report" xəbər verir ki, bu barədə "Le Parisien" nəşri məlumat yayıb.

Bildirilib ki, Zidan 27 yaşlı futbolçunun kapitan statusunda hər hansı dəyişiklik etməyi planlaşdırmır. Buna səbəb mütəxəssislə Mbappe arasında yaxşı münasibətlərin olması göstərilir.

Qeyd edək ki, Zidanın Fransa millisinin baş məşqçisi vəzifəsinə təyinatının iyulun 28-də rəsmən açıqlanacağı gözlənilir.

Kilian Mbappe Fransa yığmasının heyətində keçirdiyi 106 oyunda 66 qola imza atıb, 44 məhsuldar ötürmə ilə yadda qalıb.

"Report"un verdiyi məlumata görə, bu barədə Bloomberg agentliyi xəbər yayıb.

Ölkənin Müdafiə Nazirliyi bildirilib ki, kredit Albaniyanın hava, quru və dəniz qüvvələri üçün satınalmaların, eləcə də kibermüdafiənin, idarəetmə sistemlərinin və hərbi infrastrukturun maliyyələşdirilməsinə yönəldiləcək.

Albaniyanın müxalifət siyasətçiləri hərbi sahəyə investisiyaları dəstəklədiklərini bildiriblər, lakin razılaşmanın öyrənilməsi üçün onlara çox az vaxt verilməsinə etiraz ediblər.

Onların sözlərinə görə, sənədin bəzi hissələri məxfi olub və həmin bölmələrə çıxış əldə etmək üçün deputatlar xüsusi məxfilik öhdəliyi sənədlərini imzalamalı olublar.

"Report" ABŞ mediasına istinadən xəbər verir ki, bu barədə ölkə Prezidenti Donald Tramp, İsrailin Baş naziri Benyamin Netanyahunun bu məsələyə qarşı çıxması ilə bağlı sualı şərh edərkən bildirib.

"Türkiyə - çox qüdrətli ölkədir. Möhtəşəmdir, çox böyük silahlı qüvvələrə malikdir. Onların silahlı qüvvələrində əla texnikalar var. Nəyi satıb-satmayacağımız barədə heç kim mənə göstəriş verməyəcək", - D.Tramp qeyd edib.

"Report" xəbər verir ki, bu barədə ABŞ Silahlı Qüvvələrinin Mərkəzi Komandanlığının (CENTCOM) "X" sosial şəbəkəsindəki bəyanatında bildirilib.

"CENTCOM blokadaya əməl olunmasını təmin etmək üçün 17 ticarət gəmisinin istiqamətini dəyişdirib, iki gəmiyə isə baxış keçirib", - komandanlıqdan bildirilib.

Xatırladaq ki, ABŞ iyulun 14-də İran limanlarının dəniz blokadasını bərpa edib.

"Report" "İnterfaks"a istinadən xəbər verir ki, bu barədə "Rosselxoznadzor" məlumat yayıb.

Rusiyaya gətirilməsi qadağan edilmiş 39,2 min çiçəyi daşıyan avtomobil Smolensk gömrüyündə saxlanılıb.

"Həmin partiyanı daşıyan Belarus vətəndaşının idarə etdiyi nəqliyyat vasitəsi Minsk vilayətindən Moskvaya gedirdi. Yük bölməsinə baxış zamanı fitosanitar və malı müşayiət edən sənədləri olmayan çiçəklər aşkar edilib. Markalanma etiketlərinin qorunub saxlanılmış hissələrində onların Ermənistan mənşəli olduğu göstərilib", - məlumatda qeyd edilib.

Ermənistandan Rusiyaya çiçək tədarükü, eləcə də onların Rusiya ərazisindən tranziti 2026-cı il mayın 22-dən qadağan edilib. İyunun 12-dən etibarən mənşəyi və göndərilmə yeri Ermənistan olan bütün karantin altındakı məhsulların Rusiyaya gətirilməsinə məhdudiyyət qüvvədədir.

"Rosselxoznadzor"un ərazi idarəsinin qərarı ilə qaçaqmalçılıq yolu ilə gətirilən qızılgül partiyası iyulun 23-də məhv edilib. Daşıyıcı inzibati məsuliyyətə cəlb olunub.

"Report" xəbər verir ki, bu barədə Ukrayna lideri teleqram kanalında məlumat verib.

Görüşdə onlar gələcək tərəfdaşlığın və Kiyevə dəstəyin prioritetlərini müzakirə ediblər.

V.Zelenski həmçinin dronların və digər texnologiyaların istehsalı sahəsində ikitərəfli əməkdaşlığın perspektivləri barədə danışıb. Tərəflər əməkdaşlığı artırmaq barədə razılığa gəliblər.

"Müdafiəmizi müzakirə etdik. Biz birgə müdafiə istehsalının inkişafından danışdıq", – o, görüşün yekunlarına əsasən yazıb.

Onun sözlərinə görə, Britaniya Ukraynaya, xüsusən də döyüş əməliyyatları zamanı dronların qorunması üçün radioelektron mübarizə (REM) texnologiyaları verəcək.

Bu barədə "Report"a Azərbaycan Avtomobil Yolları Dövlət Agentliyindən (AAYDA) məlumat verilib.

Bildirilib ki, layihə çərçivəsində istismar müddətini başa vurmuş köhnə körpü sökülərək onun yerində müasir standartlara cavab verən yeni biraşırımlı körpü tikilib. Körpü müasir mühəndislik tələblərinə uyğun layihələndirilərək inşa edilib.

Tikinti işləri zamanı körpünün dayaqları və aşırım qurğusu tikilib, yanaşma yolları abadlaşdırılıb, təhlükəsizlik çəpərləri, səki hissələri və digər zəruri yol infrastrukturu elementləri quraşdırılıb.

Yeni avtomobil körpüsü artıq nəqliyyat vasitələrinin istifadəsinə verilib.